Jonathan
July 20, 2025
ကျနော်နဲ့ သူမနဲ့ ၂၀၁၃ ခုနှစ်မှာ စတင်ချစ်ကြိုက်ကြတယ်ပေါ့ဗျာ။ ၂၀၁၆ ကျနော်တို့ ချစ်သက်တမ်း ၃နှစ်ပြည့်တဲ့နေ့မှာသူမအတွက် Baby-G (BG-169) Model အဖြူရောင်လေးတစ်လုံးကို သူမကိုလက်ဆောင်ပေးခဲ့ပါတယ်။ (ဒီတိုင်းဆိုရင် ဘာထူးခြားနေလို့လဲလို့ပြောကြမှာဆိုပေမယ့် ကျနော့်အတွက်ကသာမန်ထက်ပိုပါတယ်။ ပထမအနေနဲ့ G-shock ဆိုတာ အဲ့ခေတ်လူငယ်တိုင်းနီးပါးကြိုက်ကြ၊ ပတ်ကြတဲ့ နာရီလေးပေါ့။ Eminem ပတ်ထားတာကြည့်ပီး ရှယ်အားကျခဲ့တာ။ ဝယ်ပတ်ချင်ပေမယ့် ကျောင်းသားအရွယ်လူငယ်တယောက်အနေနဲ့ ဝယ်မပါတ်နိုင်ခဲ့ဘူးပေါ့ဗျာ။ အဲ့လိုနဲ့ကျနော် ၂၀၁၅နှစ်လယ်လောက်မှာ Illustration studio တစ်ခုမှာ junior colorist အနေနဲ့အလုပ်စလုပ်ပြီး နှစ်ကုန်ကျတော့ Bonus ရတယ်၊ Anni ကလဲရောက်တော့မှာဆိုတော့ သူ့ကိုဘာပေးရင်ကောင်းမလဲဆိုပြီး Dagon Center 2 ကိုပါတ်ကြည့်နေတာ G-shock , Baby G တွေရောင်းတဲ့ဆိုင်ရှေ့ရောက်တော့ ဝင်ကြည့်ရင်း တခါတည်း ဝယ်လိုက်တယ်။ အဲ့ကာလတုန်းက သူမကိုပေးဖူးတဲ့ချစ်လက်ဆောင်ထဲမှာ စျေးနှုန်းအားဖြင့် တန်ဖိုးအကြီးဆုံးလို့ပြောလို့ရတယ်၊ အဲ့တာလေးပေးရတော့ သူ့ထက်တောင်ကိုယ်က ပိုပျော်၊ ပိုပီတိဖြစ်မယ်ထင်တယ်။ အဲ့အရွယ်တုန်းက ကိုယ့် Dream watch လို ဖြစ်တဲ့ G-shock brand ထဲက Baby-G ကို ကိုယ်ချစ်တဲ့သူ့အတွက်ဆင်ပေးလိုက်ရတဲ့ပီတိခံစားချက်လေးကို အဓိကပြချင်တာပါ။ ခုထိလဲရှိနေပါသေးတယ်။ Run နေဆဲ ) ပြီးတော့ ၂၀၂၂ ခုနှစ် (ချစ်သက်တမ်း ၉နှစ်ပြည့်တဲ့နေ့) မှာ ကျနော်တို့ ၂ယောက်ထိမ်းမြားလက်ထပ်ကြတယ်ပေါ့ဗျာ။ Watchbay ရဲ့ 9th Anniversary လဲဖြစ်တော့ တိုက်ဆိုင်နေတာလေးသွားတွေးမိသွားလိုက်တယ်။ အဲ့ idea လေးကိုပဲ timeline story telling ပုံစံလေးနဲ့ သရုပ်ဖော်ထားတာဖစ်ပါတယ်။